Binəqədidə şirkət əməkdaşını elektrik cərəyanı vuraraq öldürüb

0
bineqedi-rayon-prokurorlugu

Yanvarın 24-ü saat 19 radələrində Binəqədi rayonu, Biləcəri qəsəbəsi ərazisində “Rahat Telecom” MMC-də montajçı işləyən 1977-ci il təvəllüdlü Müseyib Cəfərovun ölməsi barədə Binəqədi rayon prokurorluğuna məlumat daxil olmuşdur.

Bineqedi.info saytı prokurorluğun məlumatına istinadən xəbər verir ki, aparılmış araşdırmalarla müəyyən edilmişdir ki, Müseyib Cəfərov metal dirəyə çıxıb internet kabeli çəkilişi işləri görən zaman üzərindən keçən yüsək gərginlikli elektrik naqilininə toxunmuş, elektrik cərəyanı vurması nəticəsində hadisə yerində ölmüşdür.
Faktla bağlı Binəqədi rayon prokurorluğunda Cinayət Məcəlləsinin 162.2-ci (əmək mühafizəsi qaydalarını pozma ehtiyatsızlıqdan insan ölümünə səbəb olduqda) maddəsi ilə cinayət işi başlanmışdır.
Hazırda iş üzrə istintaq davam edir.

Bineqedi.info