Səhiyyə Nazirliyi: “Omikron” ştamının törətdiyi yeni dalğanı müşahidə edirik”

0
coronavirus-korona

“Omikron” ştamının törətdiyi yeni dalğanı müşahidə edirik”.

Bineqedi.info saytı report-a istinadən xəbər verir ki, bunu Səhiyyə Nazirliyinin mütəxəssis-eksperti, infeksionist Təyyar Eyvazov deyib.

Onun sözlərinə görə, yeni ştam digər növlərdən fərqli olaraq daha yoluxucu və təcrid müddəti qısa dövrlüdür: “Xəstəlik yüngül keçdiyindən xəstəxanaya yatış sayı eyni qalıb. Ambulator həlqədə xəstələrin sayı çoxalıb. Bu da səhiyyə yükünün nisbətən artması deməkdir”.

“Payız-qış fəslində digər respirator viruslar da inkişaf edir. Koronavirusun əlamətləri də həmin xəstəliklərin əlamətləri ilə oxşardır”.

Təyyar Eyvazovun sözlərinə görə, oxşar əlamətləri xəstəlik üzrə fərqləndirmək çətin olur: “Ona görə də özünü narahat hiss edən şəxslərin evdə qalmaları məsləhətdir. Özlərini mütləq təcrid etməlidirlər. Maska taxılmalı, otağın havası tez-tez dəyişdirilməli, gigiyenik qaydalara ciddi əməl edilməli və ailə həkiminə müraciət etmək lazımdır. Həmin şəxslərin koronavirus və ya digər xəstəlikdən əziyyət çəkməsi müəyyənləşdirilməlidir. Ehtiyac olduğu təqdirdə test götürülə bilər”.

“Ev daxilində olan insanların xəstəliyə qarşı statusu fərqli ola bilər. Çünki insanlar fərqli doza ala, yaxud peyvəndə qarşı həssaslığı ola bilər. Buster doza alanlar xəstəliyi yüngül keçirir, eləcə də xəstəliyi yayma ehtimalı da aşağı düşür. Odur ki, əvvəlki dozalar qüvvətliliyini itirdiyindən, “Omikron” ştamının yoluxuculuğunu nəzərə alaraq buster doza qəbul edilməlidir”, – o vurğulayıb.