Əlilliyi yoxlayan müəssisələrin sayı azaldılacaq

0

“Biz hər birimiz çalışmalıyıq ki, vətəndaşlara əlillik təyinatı rahat şəkildə aparılsın. Ancaq təəsüflər olsun ki, saxta əlilliyin çox olması bu məsələyə yenidən baxmağa vadar edir. Göndərişlərin hamısı əsaslı olsa, dolğun, düzgün doldurulsa, əlillik təyinatındakı problemlər aradan qalxmış olacaq”. 

Bineqedi.info saytı xəbər verir ki, bunu Dövlət Tibbi Sosial Ekspertiza və Reabilitasiya Agentliyinin İdarə Heyətinin sədri Anar Bayramov tibbi qurumlarla agentlik arasında koordinasiyasının necə qurulmalı olması barədə “Qafqazinfo”nun sualını cavablandırarkən deyib.

O qeyd edib ki, agentlik İcbari Tibbi Sığorta Agentliyi ilə sıx əməkdaşlıq edir: “Biz səhiyyə müəssisələrində yoxlamaları mütəmadi olaraq işıqlandırırıq ki, digər həkim komissiyaları da bu məsələdə məsuliyyətli olsunlar. Digər məsələ odur ki, İcbari Tibbi Sığorta ilə birlikdə əlilliyin yoxlanılması ilə bağlı müəssisələrin sayının azalmasına çalışırıq. Bu sayın azalması keyfiyyətin artırılmasına gətirib çıxaracaq.

Bilirsiniz ki, İcbari Tibbi Sığorta Azərbaycanın bütün ərazilərini əhatə edib. Vətəndaşların xəstəliyi ilə bağlı məlumatlar elektron sistemə işləyəcək. Bu sistemlər yüz faiz işə düşdükdə biz düzgün məlumatları səhiyyə müəssisələrinin bazalarından əldə edə biləcəyik. Bunlar hamısı avtomatik sistemə daxil olduğundan əsassız göndərişlərin sistemə daxil olmasına mane olacaq”.

BIR CAVAB BURAXIN

şərhinizi daxil edin!
Buraya adınızı daxil edin