Türkiyəyə müalicəyə göndərilən bir qrup qazi vətənə geri qayıdıb – FOTOLAR

0

Türkiyəyə göndərilən daha dörd qazimiz sağalaraq vətənə geri dönüb.

Bineqedi.info saytı xəbər verir ki, bu barədə “YAŞAT” Fondu tərəfindən məlumat verilib.

Bildirilib ki, ağır yaralanan və müalicə üçün “YAŞAT” Fondu tərəfindən Türkiyəyə göndərilən dörd qazimiz; Nurəliyev Rauf Bəhman oğlu, Musayev Gündüz Sabir oğlu, Abdurrəhmənov Nicat İlqar oğlu, Muradov Turan Xudat oğlu sağalaraq Azərbaycana geri dönüblər.

Onların Türkiyədəki müalicə proseduru artıq uğurla yekunlaşıb. Qarşıdakı aylarda onların müalicəsi üçün nəzərdə tutulan dərman vasitələri də “YAŞAT” Fondu tərəfindən təmin edilib.

Fond tərəfindən Türkiyədən ölkəmizə gətirilən, həmçinin yerli həkimlərin rəyi nəzərə alınaraq hazırda daha 56 qazimizin müvafiq müayinə, müalicə və reabilitasiya prosesi Türkiyədə davam etdirilir.

“YAŞAT” Fondu qazilərimizin müalicəsini tam yekunlaşana qədər nəzarətdə saxlayacaq.

Xatırladaq ki, “YAŞAT” Fonduna müraciət etmək və fondun fəaliyyəti ilə tanış olmaq üçün yashat.gov.az portalı istifadədir.

BIR CAVAB BURAXIN

şərhinizi daxil edin!
Buraya adınızı daxil edin