Binəqədidə “Beynəlxalq Ailə günü” münasibəti ilə “Azərbaycan ailə modeli” mövzusunda onlayn inşa yazı müsabiqəsinə start verilir

0

Binəqədi Rayon İcra Hakimiyyəti və Binəqədi rayon Gənclər və İdman İdarəsinin təşkilatçılığı ilə 15 may – “Beynəlxalq Ailə günü” münasibəti ilə “Azərbaycan ailə modeli” mövzusunda onlayn inşa yazı müsabiqəsinə start verilir.
Müsabiqənin keçirilməsi qaydaları:
– Müsabiqədə Binəqədi rayon orta ümumtəhsil məktəblərinin 5-11-ci sinif şagirdləri iştirak edə bilərlər;
– inşalar kompüterdə Arial 12 şrifti ilə A4 ölçülü word sənədində və yaxud ana dili dəftərində 2-5 səhifə həcmində yazılmalı, müəllifin adı, soyadı, atasının adı, təhsil aldığı məktəb və sinfi mütləq şəkildə qeyd edilərək 18 may 2020-ci il tarixinə qədər binagadigii@mys.az elektron poçt ünvanına göndərilməlidir.
Qeyd: Dəftərdə yazılmış inşa yazılarının telefonla şəkli çəkilə və yaxud skan edilərək göndərilə bilər.
İnşa yazıları toplandıqdan sonra münsiflər heyətinə təqdim ediləcək və nəticələr barədə iştirakçılara məlumat veriləcək.

Bineqedi.info