YAP-ın yaradılmasının 27-ci ildönümü münasibətilə Binəqədidə təntənəli tədbir keçirilib – Fotolar

0
yap-bineqedi-rayon-teskilati

20 noyabr 2019-cu il tarixdə Yeni Azərbaycan Partiyasının yaradılmasının 27-ci ildönümü münasibətilə Binəqədi Rayon İcra Hakimiyyəti, YAP Binəqədi rayon təşkilatı və Binəqədi rayonu, MirCəlal 1 D ünvanlı (“Xaliq Faiqoğlu” şirkəti) ərazi ilk partiya təşkilatının birgə təşkilatçılığı ilə təntənəli tədbir keçirilib.

Bineqedi.info-ya verilən məlumata görə, tədbirdə Binəqədi Rayon İcra Hakimiyyətinin başçısı Elxan Allahverdiyev, Milli Məclisin komitə sədri, YAP İdarə Heyətinin üzvü Eldar İbrahimov, Binəqədi rayon İcra Hakimiyyəti başçısının müavinləri, “Xaliq Faiqoğlu” şirkəti) ərazi ilk partiya təşkilatının sədri Faiq Seyidov, Aparatın şöbə müdirləri, ictimai-siyasi xadimlər, partiya fəalları, media nümayəndələri və gənclər iştirak ediblər.
Tədbir Yeni Azərbaycan Partiyasının 27 illik tarixindən və YAP Binəqədi rayon təşkilatının iri layihələrindən bəhs edən videoçarxın nümayiş etdirilməsi ilə başlanıb.
Tədbiri giriş nitqi ilə açan YAP Binəqədi rayon təşkilatının sədri Ramiz Göyüşov bütün qonaqları salamlayıb, partiyanın yaradılmasının ildönümü ilə əlaqədar keçirilən tədbirdə birgə iştirakdan məmnunluğunu bildirib, hər kəsə təşəkkürünü bildirib. Ramiz Göyüşov tarixi, siyasi proseslərə nəzərə salaraq qeyd edib ki, bu partiya yenicə müstəqilliyinə qovuşmuş bir ölkənin yenidən parçalanmaq təhlükəsi qarşısında qaldığı bir zamanda ölkənin mütərəqqi fikirli insanlarının, ziyalılarının təşəbbüsü, ulu öndərin müdrikliyi sayəsində müxalifətdə ikən yaradılıb. Və çox qısa müddətdən sonra cəmi 7 aydan sonra hakimiyyətə gəlib və gəlişi ilə Azərbaycan tarixində yeni bir inkişaf dövrünün başlanğıcını qoyub. Bu gün də ümummilli lider Heydər Əliyevin idelayaları, siyasi kursu ölkəmizdə uğurla davam etdirilir və ölkəmizin bu günkü inkişafına şərait, gələcək inkişafına əsaslı zəmin yaradır. Rayon təşkilatının sədri həmçinin dövlət başçısı, YAP-ın sədri cənab İlham Əliyevin rəhbərliyi ilə son illər ölkəmizdə həyata keçirilən irimiqyaslı iqtisadi və sosial layihələrdən danışıb.

yap-bineqedi-rayon-teskilati1.jpg
Milli Məclisin komitə sədri, YAP İdarə Heyətinin üzvü Eldar İbrahimov çıxışında vurğulayıb ki, bu gün Yeni Azərbaycan Partiyasının yaradılmasının 27 illiyi münasibətilə təşkil edilmiş təntənəli mərasimdə ulu öndər, dahi şəxsiyyət Heydər Əliyevin “Yeni Azərbaycan Partiyası dünənin, bu günün və sabahın partiyasıdır. Yeni Azərbaycan Partiyası 21-ci əsrin partiyasıdır, III minilliyin partiyasıdır!” ifadəsini qürurla və fəxarətlə səsləndiririk. Ulu öndər Heydər Əliyevin siyasi xəttini uğurla və ardıcıl davam etdirən dövlət başçısı, YAP-ın sədri cənab İlham Əliyevin qeyd etdiyi kimi “Yeni Azərbaycan Partiyası Azərbaycanın aparıcı siyasi qüvvəsidir, Cənubi Qafqazın ən böyük partiyasıdır”. Eldar İbrahimovun sözlərinə görə bu partiya fəaliyyət göstərdiyi 27 il ərzində daim dövlətlə, xalqla bir olub, həmrəylik nümayiş etdirib.

yap-bineqedi-rayon-teskilati2.jpg
YAP Binəqədi rayon təşkilatının Binəqədi rayonu, MirCəlal 1 D ünvanlı (“Xaliq Faiqoğlu” şirkəti) ərazi ilk partiya təşkilatının sədri Faiq Seyidov çıxışında bildirib ki, Yeni Azərbaycan Partiyası ümumxalq partiyasıdır və bu gün 27 illik uğurlu siyasi fəaliyyətimizin qələbəsini təntənə ilə qeyd edirik. Yeni Azərbaycan Partiyası təsis olunduğu gündən xalqın inam və etimadını ən yüksək səviyyədə doğruldub. Məhz bu səbəbdəndir ki, üzvlərinin sayı 700 mindən çox olan partiyamıza bu gün də axın davam etməkdədir.
Yekunda nitq söyləyən Binəqədi Rayon İcra Hakimiyyətinin başçısı Elxan Allahverdiyev bu əlamətdar hadisə münasibətilə xalqımızı və bütün partiya fəallarını təbrik edib.

yap-bineqedi-rayon-teskilati3.jpg

Qeyd edib ki, bu gün sürətli inkişaf edən müstəqil Azərbaycanımızı uğurlu inkişafa aparan bu yolda hər bir Azərbaycan vətəndaşı Yeni Azərbaycan Partiyasının sədri cənab Prezident İlham Əliyevin siyasi kursunu dəstəkləyir və böyük əzmlə dövlətin, xalqın, vətənin mənafeyi naminə səy göstərir. Öz əməlində ümummilli liderimiz Heydər Əliyev prinsiplərini yaşadan Yeni Azərbaycan Partiyasının seçdiyi əsas hədəfləri – qüdrətli və zəngin Azərbaycan, ərazi bütövlüyü, siyasi sabitlik, güclü iqtisadiyyat, davamlı inkişaf, ədalətli cəmiyyət və layiqli həyatdır. Bu prinsiplər dövlət başçısının rəhbərliyi ilə ölkəmizdə aparılan siyasi xəttin əsas hissəsini və prioritet istiqamətini təşkil edir.
Tədbirin rəsmi hissəsi bitdikdən sonra partiyanın və rayon təşkilatının ictimai-siyasi həyatında fəal iştirakına görə bir qrup şəxs Fəxri Fərmanla təltif edilib. Yeni Azərbaycan Partiyası sıralarına yeni üzv qəbul edilmiş şəxslərə üzvlük vəsiqələri təqdim edilib. Tədbir bədii hissə və ziyafətlə davam etdirilib.

BIR CAVAB BURAXIN

şərhinizi daxil edin!
Buraya adınızı daxil edin