Binəqədidə səhiyyə: Respublika Əlillərin Bərpa Mərkəzi barədə məlumatlar

0
respublika-elillerin-berpa-merkezi

Respublika Əlillərin Bərpa Mərkəzi Binəqədi rayonu ərazisində fəaliyyət göstərir.

Mərkəzin rəhbəri Qurbanov İlqar Qəmbər oğludur.

Əmək və Əhalinin Sosial Müdafiəsi Nazirliyinin Respublika Əlillərin Bərpa Mərkəzi əlilliyi olan şəxslərə kompleks tibbi-sosial və peşə reabilitasiyasının aparılması üçün nəzərdə tutulan müəssisədir.

respublika-elillerin-berpa-merkezi6.jpg

 Bineqedi.info xəbər verir ki, Mərkəz öz fəaliyyətində Azərbaycan Respublikasının Konstitusiyasını, fərman və sərəncamlarını, Azərbaycan Respublikası Nazirlər Kabinetinin qərar və sərəncamlarını, Əmək və Əhalinin Sosial Müdafiəsi Nazirliyinin Kollegiya qərarını, əmr və sərəncamlarını, digər normativ-hüquqi aktları, həmçinin müəssisənin Əsasnaməsini rəhbər tutur.

respublika-elillerin-berpa-merkezi1.jpg

Mərkəz əlillərə kompleks tibbi, sosial və peşə reabilitasiyası tədbirlərinin aparılması yolu ilə onların sosial statusunun bərpa edilməsi və cəmiyyətə inteqrasiyası, tibbi, sosial,peşə diaqnostikasının və reabilitasiyasının həyata keçirilməsi, xəstəlikləri nəzərə alınmaqla bərpa müalicəsi alanların dietik və rasional qidalanmasının təşkili, əlillərin reabilitasiya potensialının reallaşdırılması üzrə fərdi reabilitasiya proqramlarının hazırlanması və icrası istiqamətində işlər görür.

respublika-elillerin-berpa-merkezi2.jpg

Müəssisədə bərpa müalicəsi alanların reabilitasiyasında müasir metodika və texnologiyalardan istifadə edilir, qabaqcıl təcrübələrin öyrənilməsi əsasında reabilitasiya metodları hazırlanır və təcrübədə tətbiq olunur, regional bərpa mərkəzləri arasında əlaqələrin yaradılması, həmin mərkəzlər üçün kadrların hazırlanması, təkmilləşdirilməsi və təşkilati-metodiki köməklik göstərilməsi sahəsində tədbirlər həyata keçirilir. Bərpa müalicəsi alanların yaşını və sağlamlıqlarını nəzərə almaqla onların mədəni-kütləvi tədbirlərə, müalicə idmanına cəlb edilməsi, onlarda gigyenik vərdişlərin tərbiyə edilməsi, sağlam həyat tərzinin təbliği, bərpa müalicəsi alanlarla bağlı məlumat bankının yaradılması da mərkəzin əsas fəaliyyət istiqamətlərindəndir.

respublika-elillerin-berpa-merkezi5.jpg
Əlilliyi olan şəxslərin Mərkəzə qəbulu Əmək və Əhalinin Sosial Müdafiəsi Nazirliyinin, nazirliyin Tibbi-Sosial Ekspert Komissiyalarının, müalicə-profilaktika müəssisələrinin göndərişlərinə əsasən həyata keçirilir.

respublika-elillerin-berpa-merkezi3.jpg

Mərkəzdə 16 yaşdan yuxarı bütün kateqoriyalardan olan əlillərə xidmət göstərilir.
Mərkəzə rəhbərliyi Əmək və Əhalinin Sosial Müdafiəsi naziri tərəfindən vəzifəyə təyin və azad olunan Baş həkim həyata keçirir.

Ünvan: 6-cı mikrorayon, keçid 1410, məhəllə 3215
Telefon: (012) 569 63 76
Yaranma tarixi: 2015
Çarpayıların sayı: 80

Bineqedi.info

respublika-elillerin-berpa-merkezi4.jpg

BIR CAVAB BURAXIN

şərhinizi daxil edin!
Buraya adınızı daxil edin