Binəqədi Rayon İcra Hakimiyyətində “Binəqədi könüllüləri” ilə görüş keçirilib – Fotolar

0

Binəqədi Rayon İcra Hakimiyyətində təcrübə keçən 17-ci qrup “Binəqədi könüllüləri” ilə görüş keçirilib.

Bineqedi.info saytına verilən məlumata görə, görüşdə Binəqədi Rayon İcra Hakimiyyətinin (BRİH) başçısı Elxan Allahverdiyev, BRİH başçısının müavini Aygün Əliyeva, İctimai-siyasi və humanitar məsələlərlə iş şöbəsinin müdiri Nicat Allahverdiyev, baş məsləhətçi Kənan Kərimov və 17-ci qrup ” Binəqədi könüllüləri ” iştirak ediblər. Elxan Allahverdiyev gəncləri salamlayıb və onlara könüllük peşəsini şərəflə, əzmlə icra etmələri münasibətilə təbrik edib. İcra Hakimiyyətinin başçısı son illərdə ölkə başçısı cənab İlham Əliyevin rəhbərliyi ilə respublikamızda könüllülük fəaliyyətinin geniş vüsat aldığını, ölkəmizdə gənclər arasında könüllülük fəaliyyətinin artıq ənənəyə çevrildiyini bildirib. E. Allahverdiyev gənclərin könüllü olaraq məhz Binəqədi Rayon İcra Hakimiyyətini seçməsinin sevdirici hal olduğunu bildirib və onlara bu işdə uğurlar diləyib. Daha sonra gənclər öz təəssüratlarını bölüşərək şöbələrdə öyrəndikləri işlər haqqında ətraflı məlumat veriblər. Sonda könüllülərə sertifikatlar təqdim edilib, xatirə şəkli çəkilib.

BIR CAVAB BURAXIN

şərhinizi daxil edin!
Buraya adınızı daxil edin